Монструозен злочин се случи во Египет за време на насилните протести кога поддржувачи на соборениот претседател Мохамед Мурси го фрлија од покривот Хамад Бадр (19), а потоа го претепале до смрт...
Ужасното убиство во Александрија е прикачено на YouTube, а од него може да се види дека еден од убијците го носеше знамето на Ал Каеда!
„Хамад Бадр и неговите тројца пријатели го славеле падот на претседателот Мурси во моментот кога налетале на група приврзаници на поранешниот претседател“, рекол таткото на убиеното момче Мохамед Бадр.
На видеоснимката, која веројатно е снимена со мобилен телефон од зграда од спротива на улицата, се гледаат четири тинејџери како избегаа на бетонската структура неколку метри висока. Бандата тогаш ги опкружи и почнаа да фрлаат камења по нив за да ги фатат. Набргу потоа, двајца млади луѓе беа фрлени од бетонската структура и сурово претепани.
„Моето дете на кое го фрлија и му го унакажаа телото, имаше само 19 години и четири дена. Неговата единствена вина е што го славеше падот на Мурси“, изјавил потресениот татко на убиеното момче.
Ситуацијата во Египет не се смирува, а тоа го докажува и криминалот што се случи утрово во Каиро, кога беа убиени 42 членови на Муслиманското братство.
