Tинејџерот пронајден во Германија, кој тврди дека живеел во шумата пет години, тешко се привикнува на „нормален“ живот...

Извор близок на истрагата тврди дека тинејџерот, кој зборува англиски јазик, се жали на проблеми со спиењето и дека сака да се врати во дивината. И други удобности, какви што се сапунот, тушот и водата, момчето ги смета за целосно непотребни.

Познат е само како Реј, а се верува дека има околу 17 години. Тврди дека во шумата, јужно од Берлин, живеел најмалку последните пет години. Сам им се пријавил на властите на 5 септември, носејќи на грбот ранец, вреќа за спиење и шатор.

Им раскажал во полицијата дека при падот во шумата умрел неговиот татко и дека тој сам го погребал во шумата. Тогаш тргнал по помош, пешачел кон север и така дошол до Берлин.

И покрај бизарната приказна, германската полиција вели дека му верува на тинејџерот и дека во шумата ќе го побараат гробот на неговиот татко. Реј раскажал дека со татко му отишле да живеат во шумата откако неговата мајка Дорин умрела во сообраќајна несреќа.