На одјавната шпица на најновиот филм на Мадона, W.E. се појави и нова песна од познатата пејачка насловена како Masterpiece. Слушнете ја и вие...

Како што пишува списанието Idolator, новиот сингл ќе биде објавен во почетокот на следната година во рамки на новиот албум кој ќе го наследи претходниот Hard Candy објавен во 2008 година.

Менаџерот на Мадона, Гај Осири, изјави дека албумот е во завршна фаза, но се уште не е завршен, па затоа нема официјално име. 53 годишната пејачка наводно ќе настапи во февруари следната година во финалето на американскиот фудбал Super Bowl, инаку најгледан телевизиски термин во Америка.

Потсетуваме, премиерата на филмот W.E. одржана е на филмскиот фестивал во Венеција во почетокот на септември, при што доби многу лоши критики, но и големи пофалби.