Денеска премиерно на VEVO и YouTube беше прикажано видеото за дуетот на џез легендата Тони Бенет со контроверзната Лејди Гага, The Lady Is A Tramp...

Песната е дел од најновиот албум на Тони Бенет, насловен како Duets II, кој моментално руши рекорди поради фактот што на него се наоѓа последната песна што ја сними со покојната пејачка Ејми Вајнхаус.

На песната, меѓу другите познати и легендарни артисти, се најде и контроверзната Лејди Гага, што е уште еден доказ за нејзиниот неоспорен, но често негиран талент.

The Lady Is A Tramp (Дамата е скитник) е песна од 1937 година, за мјузиклот Babes In Arms на Роџерс и Харт. Песната претставува исмевање на високите општествени слоеви во Њујорк и строгата елита.

Песната е доста популарна и е препеана повеќе пати, но верзијата на Бенет и Гага дефинитивно е една од најуспешните досега, поради склопот на музичката легенда и една од најсаканите и најталентирани артисти на нашето време.

Погледнете го видеото и уживајте во песната!