Последната песна која Ејми Вајнхаус ја сними е дуетот со Тони Бенет, кој е објавен на неговиот албум Duets II, кој се продаде во рекорден тираж...

Тони на 85 години стана најстариот жив пејач со најголем број продадени албуми, благодарение на Duets II кој во првата недела од излегувањето е продаден во 179.000 примероци.

На албумот има 17 дуети, и тоа со Лејди Гага, Нора Џонс, Шерил Кол, Андреа Бочели, Мараја Кери, Арета Франклин... и најпопуларниот од сите, оној со Ејми Вајнхаус, Body And Soul.

„Никој од нас не веруваше дека таа ќе замине толку рано. Ејми беше голем уметник“, изјави Бенет, кој е една од последните личности кои ја виделе Ејми жива.

Тони во кариерата долга 60 години има освоено 14 Греми награди и продадено стотици илијади албуми ширум светот, а овој му е еден од ретките кој стигна на првите места на топ листите насекаде во светот.