Конечно е овде: последниот трајлер за последниот дел од светскиот феномен наречен „Хари Потер“...

Иако фановите на „Хари Потер“ сега можат да му се радуваат на новиот проект на Џ. К. Роулинг наречен Pottermore, сепак, јасно е дека на филмската сага и дојде крајот.

Последниот трајлер за последниот филм од мега-успешната филмска сага, „Хари Потер и Реликвиите на Смртта: Втор дел“, конечно е тука и дефинитивно ќе измами солзи во очите на повеќето вистински фанови.

Преку трајлерот се потсетуваме на некои места и сцени од претходните филмови, кои потоа се заменуваат со слики од т.н. денешен Хогвортс кој целиот е разурнат и во пламен и исполнува со чувство на тага и очај.

На оние кои им е прочитана книгата веројатно ќе им бидат препознатливи повеќето сцени, меѓутоа трајлерот гледано од страна, не оддава многу од заплетот на последното и завршно продолжение на феноменот кој го маѓепса светот и го одржи вниманието на публиката повеќе од десет години.

За сите оние кои не знаат, „Хари Потер и Реликвиите на Смртта: Втор дел“ излегува во кино салите ширум светот на 15 јули оваа година, осум месеци по прикажувањето на „Хари Потер и Реликвиите на Смртта: Прв дел“ на 19 ноември, 2010.

Но, да не должиме многу: погледнете го трајлерот!