Џекмен можеби ќе го замени Даниел Крег во наредното продолжение на серијалот за агентот 007...

Хју Џекмен рече во интервју за австралискиот печат дека улогата на Џејмс Бонд му е нудена и порано.

„Додека го снимав X Men 2, агентот ми се јави и ми рече дека продуцентите на Бонд се многу заинтересирани за мене. Тогаш морав да одбијам затоа што навистина бев презафатен со веќе договорени проекти, но следниот повик ќе го прифатам“, рече Џекмен, кој моментално го промовира филмот Real Steel.

Иако се уште не е официјално соопштено дека Крег ја напушта Бонд франшизата, како кандидат за новиот Бонд веќе се јави и актерот Ајдрис Елба.