Ако Даниел Крег одлучи дека му е доста од улогата на тајниот агент, би можел да го замени Ајдрис Елба...

Англискиот актер, најпознат по улогата на наркобос во серијата The Wire е прв избор за следниот Џејмс Бонд, пишуваат филмските медиуми.

И самиот Крег рече по изборот на Барак Обама за претседател на Америка дека следниот Џејмс Бонд би можел да биде црнец. Елба признава дека би му годело да стане „агентот 007“.

„Веќе неколку години разговарам со луѓето од индустријата на таа тема. Мислам дека имам сè што е потребно - можам да пијам, да гонам жени и да трчам во акција“, рече актерот.

Тој додаде дека сепак не би сакал улогата да се „врти“ само околу неговата боја на кожата.

„Ако Шон Конери не беше познат како ‘шкотскиот Бонд’ и Крег како ‘синоокиот Бонд’, не би сакал ни мене да ми ја залепат етикетата ‘црниот Бонд’“, рече тој.