„Подгответе се за уште малку женска совршеност и фантастични гардероби, затоа што тие се враќаат на големите платна. Теророт продолжува“...

По бројни потврди, откажувања, отфрлување на идеи за снимањето на уште едно продолжение на филмот „Сексот и градот“, а потоа и најавата на „нова-стара“ серија, Сара Џесика Паркер во интервју за списанието Parade откри дека „сепак ќе има“ трет филм и тоа со старите актерки.

„Точно е. Ќе има трет филм, а веќе знам и за што се работи во новиот ‘Сексот и градот’“, рече ‘Кери Бредшо’ за списанието. „Приказната е ‘мала’, но ќе биде убаво да се раскаже. Прашање е само ‘кога би требало да ја раскажеме?’“, откри Сара Џесика Паркер.

Наскоро откако актерката од серијата и филмовите за четирите Њујоркчанки откри дека продолжение е во план, американските блогери многу скоро рекоа што мислат за тоа.

„Подгответе се за уште малку женска совршеност и фантастични гардероби, затоа што тие се враќаат на големите платна. Теророт продолжува“, е само еден од коментарите на оваа вест.

Додека „малата приказна не биде раскажана“ во третото продолжение на филмот „Сексот и градот“, авантурите на помладите Кери, Шарлот, Миранда и Саманта стигнуваат на малите екрани, а потоа и на големото платно, но со „старите“ актерки.