Авантурите на младите Кери, Шарлот, Миранда и Саманта прво ќе пристигнат на малите екрани, а потоа и на големото платно...

Авторот на серијата и филмовите „Сексот и градот“, Дерен Стар, најави дека плановите за снимањето на нов филм ги ставил „на пауза“, и дека најпрво доживувањата на своите млади хероини ќе ги сними како серија.

Сара Џесика Паркер, која ја глумеше возрасната Кери Бредшо, ќе биде потпишана како продуцент на новата серија. Улогата на Кери е наменета на релативно непознатата Елизабет Олсен, помладата сестра на познатите близначки Мери Кејт и Ешли Олсен.

Останатите улоги им се понудени на моменталните млади ѕвезди - Селена Гомез ќе ја глуми Шарлот, Ема Робертс ќе ја глуми Миранда, а Блејк Лајвли ќе ја глуми Саманта.

„Екипата на вториот дел од филмот беше загрижена поради лошите реакции на публиката и критичарите, и не сака да се фати за уште еден проект за големото платно. Затоа серијата е во последните фази на подготовка“, рече избор близок на Стар.