Речиси не постои некој кој барем еднаш во животот не се обидел да држи диета или барем да послуша некој од илијадниците совети од пријатели или интернет. Јади го ова, но не во секој ден од денот, испробај ја оваа храна, но само еднаш неделно или ќе се здебелиш од ова, а од ова може да имаш сериозни проблеми. Но, како да се снајдете во џунглата информации? Ова се 4 најголеми митови за здебелувањето...

1. Јадете секои три часа за да не го забавите метаболизмот

Ако неколку часа чувствувате глад, не значи дека го изгладнувате телото, затоа што за тоа би ви требале цели три дена со минимално внесување на храна. Исто така, ако сакате да го одржите нормалното ниво на шеќер во крвта не морате да јадете на секои неколку часа. Затоа, ако чувствувате глад или слабост и посегнете по некое енергетско чоколатце или слично слатко задоволство, тоа не значи дека поради тоа ќе се здебелеете.

2. Не јадете доцна затоа што ќе се здебелеете

Конзумирањето на храна по 20:00 часот нема нешто посебно да влијае на натрупувањето килограми од истиот оброк кога би го изеле порано таа вечер. Истражувањата покажале дека е многу поважно колку калории сте внеле во организмот, отколку кога сте ги внеле. Ако со вашиот луд дневен распоред не сте во можност за таканаречен ручек-вечера да ја конзумирате пред 20:00 часот, не грижете се, важно е единствено да изберете нормален оброк.

3. Кофеинот е лош за вашето здравје

Повеќето тврдења кои објаснуваат дека кофеинот е штетен за вашето здрајве не се точни. Пијалоците кои содржат кофеин како популарното кафе нема да го дехидрираат вашето тело, тие не се лоши за вашето срце и не предизвикуваат мозочен удар. Всушност, кофеинот има мнгоу корисни својства за вашето тело. Тој ги стимулира мозочните активности, а истражувањата покажале дека кофеинот делумно заштитува од Паркинсова и Алцхајмерова болест. Но, како и во се останато, треба да се има умереност.

4. Пилешкото месо е најздраво месо

Уште една невистина. Вистинско парче говедско или свинско месо може да биде исто толку „лесно“ како парче пилешки дроб без кожа, исто така, одредено пилешко или мисиркино месо може да биде еднакво мрсно и калорично како и сочна, дебела говедска шницла. Чистото црвено месо содржи двојно повеќе цинк, железо и витамин B12 отколку мисиркиното или пилешкото месо. Ако сакате конкретен оброк и ако уживате во храната немојте да дозволите да стаете роб на калориите и гладувањето. Бидете умерени во се!