Медитацијата како техника за намалување на стресот, го намалува за 47% ризикот од напади кај пациенти болни од срце, покажало истражувањето објавено во американско медицинско издание...

Истражувањетo е спроведено во текот на 9 години меѓу 201 црнокожи американци - мажи и жени на просечна возраст од 59 години, кои страдале од стеснување на коронарните артерии.

Половина од нив, избрани по случаен избор, практикувале медитација, додека другата половина слушале предавање на тема како хигиената и физичките вежби ја подобруваат состојбата на срцето.

Лекарите сепак посочуваат дека тој благотворен ефект на медитацијата врз половина пациенти, доаѓа во комбинација и со доза на лекови, кои неможат да бидат заменети со медитацијата.

Така професорот по медицина на универзитетот во Висконсин и коавторот на студијата д-р Теодор Кочин нагласуваат дека "медитацијата треба да биде дополнување, а да не се смета како замена на медицинскиот третман".