Конзумирањето на јагоди го забавува стареењето, па дури и штити од рак, покажува истражувањето на шпански и италијански научници...

Според нив, јагодите помагаат за зголемување на нивото на антиоксидансите во крвта што го спречува т.н. окислителен стрес, го забавува стареењето, па дури и го намалува ризикот од болести како рак, дијабетес и срцеви болести.

За целите на експериментот, научниците давале по половина килограм јагоди на 12 здрави доброволци во текот на две недели.

Тие земале нивни крвни примероци на четвртиот, осмиот, дванаесеттиот и шеснаесеттиот ден, како и еден месец подоцна.

Резултатите покажале дека редовното конзумирање на јагоди го зголемува нивото на антиоксиданси во крвта и го рспречува распаѓањето (хемолизата) на црвените крвни клетки.

Научниците во Марке, Италија, и од универзитетите во Гранада, Шпанија сметаат дека силата на јагодите се крие во високите нивоа на фенолни состојки, кои имаат аниоксидантни својства.

Окислителниот стрес може да се појави во процесот на стареење, кога вежбате физичка активност, па дури и при раѓање, што укажува на потенцијалот на јагодите.

Сега научниците сакаат да истражат дали ваквото позитивно влијание може да има јадењето на помали количества јагоди, како на пример од 150-200 грама и кои видови на јагоди содржат најмногу антиоксиданти.