Имплантите за зголемување на градите направени од силиконски гел се безбедни и ефикасни доколку се заменуваат на секои 10 години, соопштено е од американската Управа за контрола на прехрамбени и фармацевски производи (FDA)...

FDA наведе дека тој вид на импланти не поседуваат неограничен рок на траење и дека мора да се менуваат на 10 години за спречување на опасноста од компликации.

Компликациите до кои може да дојде по вградувањето на имплантите од силиконски гел се, како што наведе FDA, стврднување на областа околу имплантите, пукање на имплантите, асиметрија на градите, лузни, брчки, болки, па, дури и инфекции.

Во FDA, меѓутоа, истакнаа дека имплантите не можат да доведат до рак на дојка или некој репродуктивен проблем, но редовните лекарски контроли се задолжителни.