Иако големината на порцијата храна која ја конзумирате е многу важна за одржување на телесната тежина, постојат намирници кои можете да ги конзумирате во неограничени количини. Не зборуваме за зелена салата без сол и оцет, туку за вкусни грицкалки кои можете да ги грцкате колку што ви душа сака...

Пуканки

Верувале или не, пуканките се едни од најздравите и најмалку калорични грицки кои постојат. Не зборуваме за пуканки со вкус на путер или сирење, туку за класична пченка која можете да ја испечете во вашето тенџере само со капка масло и малку сол. Пуканките имаат минимално калории и содржат влакна кои се добри за варењето. Ако сакате да ја зачините оваа друштвена грицкалка, додајте малку пиперка во прав, чили или бибер.

Кисели краставички

Речиси не постои личност која не сака кисели краставички, посебно оние домашните. Тегла кисели краставички има само 16 калории, па тоа е намирница што можете да ја конзумирате со било каква диета и со било кој оброк во текот на денот.

Карпачо од тиквички

Ако се уште не сте го пробале, пробајте го карпачотот од тиквички затоа што станува збор за изврсна намирница кој секој може да си ја дозволи во неограничени количини. Тиквичките расечете ги на тенки кругови и потопете ги во лимонов сок и оставејте ги да отстојат одредено време. Потоа додадете малку маслиново масло, сол и бибер. Тајната се крие во лимоновиот сок кој ја топи маснотијата, а самиот оброк има многу малку калории.

Чипс од зелка

Исчистете ги листовите од зелка од дебелите „стебленца“ и сокинете ги на помали парчиња. Посолете ги, премачкајте ги со малку маслиново масло и наредете ги на тавата за печење и печејте ги околу 10 минути, односно додека рабовите не пожолтеат и листовите не се исушат. Овој здрав чипс е многу вкусен и можете да го јадете во било кој дел од денот.

Артишок од конзерва

Артишокот е многу силен антиоксиданс и многу вкусна намирница, а кога веќе е подготвен е уште посладок. Можете да го јадете со било кој оброк, а ако го конзумирате сами знајте дека на тој начин во својот организам ќе внесете незначаен број на калории, а притоа ќе се заситите и ќе уживате во богатиот вкус.