Од лошите навики тешко е да се ослободите, но постојат трикови кои можат да ви ја олеснат работата и да ве подготват за летото и омилениот костим за капење. Не зборуваме за изгладнување и макотрпни тренинзи, туку за едноставни прехрамбени навики за кои требаат само 60 секунди...

1. „Продолжени“ сокови

Ако сакате сокови не морате на цело да се ослободите од нив, туку нивната конзумација само малку да ја модифицирате. Со обѕир на тоа дека соковите се калорични и содржат доста шеќер, разредете ги со обична или минерална вода. На тој начин ќе ги преполовите калориите и ќе уживате во освежителен пијалок.

2. Телефонски разговори

Додека разговарате на телефон, станете од каучот и тргнете во акција. Било какви работи по дома или некои долги активности топат калории, па затоа тргнете. Спремете ги алиштата за перење и ќе потрошите 68 калории, поставување на масата за ручер - 85 калории, а полевањето на цвеќињата или бришењето на прашината - 102 калории.

3. Зелен чај пред шетање

Зелениот чај може да ја забрза работата на метаболизмот за 3% и да помогне при согорувањето на калориите. Пред да тргнете на излет, тренинг, на прошетка или во шопинг со себе понесете разладен зелен чај. Тој ќе ја задоволи вашата жед и ќе ви помогне при слабеењето.

4. Маслиново масло наспроти сончогледово

Заменете го сончогледовото масло, маргаринот или нешто слично со маслиново масло. Маслиновото масло е здраво и вкусно како во главното јадење и во салатата, така и во сендвич, а со оваа корисна замена можете да намалите 52 калории дневно.

5. Зеленчук на големи парчиња

Подгответе салата на малку поинаков начин. Наместо да го рендате морковот, расечете го на прарчиња. Истото вреди и за останатиот зеленчук. Тоа ќе ве натера повеќе да џвакате, а со самото тоа побрзо ќе почувствувате ситост и ќе го намалите внесувањето на храна во организмот.