Преголемата количина на кофеин го зголемува ризикот од халуцинации, особено кај луѓето кои се под голем стрес, покажале неодамнешите истражувања на австралиските научници...

Научниците од универзитет во Мелбурн истакнале дека премногу пиење на пијалоци кои содржат кофеин, вклучувајќи чај, кока кола и енергетски пијалоци го зголемуваат ризикот од халуцинации, особено кај луѓето кои се под стрес, пренесуваат шпанските медиуми.

Во истражувањето, учествувале 92 здрави поединци кои, според нивото на стрес и кофеин, се поделени во групи.

Затоа им била ставена лента, со различни звуци и им било кажано да го претиснат копчето секој пат кога ќе го слушнат Бинг Крозби како ја пее "Бел Божиќ".

Тоа всушност било измама, бидејќи немало песна на лентата.

Резултатите биле многу интересни - учесниците со високо ниво на стрес и кофеин рекле не само дека ја слушнале песната, туку дека ја слушнале три пати погласно од групата чие ниво на стрес и кофеин било ниско.

"Комбинацијата на кофеин и стрес значително ја зголемува веројатноста личноста да манифестира со симптоми на психоза", рекол лидерот на тимот и професор по психологија, Симон Кроу.

Професорот заклучил дека кафето, доколку се конзумира во умерени количини, може да биде добро за здравјето, но во поголеми количини, пет или повеќе шолји дневно, доведува до психолошка зависност, зголемена вознемиреност, невроза, несоница, главоболка, тахикардија, аритмии и т.н.