Италијанските научници најдоа единствено решение за помош на луѓето кои имаат проблеми со алергиите - апликација за мобилни која ги „чита“ состојките на храната и го информира корисникот за чувствителноста на тој производ...

Таа апликација им овозможува на пациентите преку мобилните да се логираат во базата на податоци од која би можеле да ги извлечат сите релевантни податоци за производот, од состојки до податоци за присутност на алергени и слично.

„Системот е подготвен и веќе во базата внесовме преку 15.000 податоци, односно 10% од прехрамбените производи на италијанскиот пазар“, изјави Адријано Мари од Центарот за молекуларна алергологија во Рим.

„Сега ни предстои да соработуваме со производителите на храна за и тие да го користат овој интелигентен начин на означување и создавање на листа на производи. Со обѕир на отвореноста на системот, трошоците би биле помали и компаниите би профитирале од тоа“, заклучи др. Мари.