На децата кои премногу гледаат телевизија им се заканува поголема опасност од развивање на срцеви болести, висок притисок или дијабетис подоцна во животот, покажува австралиската студија...

Децата на возраст од 6 до 7 години кои долго гледаат телевизија веќе имаат потенки артери во задниот дел од очите, според истражувањето на Универзитетот во Сиднеј, претставено како прво од таков тип.

Таквата состојба подоцна ја зголемува опасноста од срцеви заболувања, висок притисок и дијабетис. „Родителите на децата мораат да ги поттикнуваат на активност и да ги бркаат од фотелјите“, порачува доктор Бамини Гопајнет, водач на студијата.

Истражувањето опфатило приближно 1.500 деца во период од шест и седума години од 34 основни училишта во Сиднеј. Просечно, тие деца поминуваат речиси два часа на ден пред телевизија, за само 36 минути се занимаваат со некоја физичка активност. Тие кои најмногу се занимаваат со физичка активност, час време или повеќе на ден, имаат значилтено пошироки артерии од оние кои трошат помалку од 60 минути на телесни активности.

Истражувањето оваа недела е објавено во списанието Journal of the American Heart Association.