Пушењето е нездрава навика против која многумина се борат, но безуспешно. Иако за прекинување со пушењето пред се е ппотребна волја, постојат трикови кои многу можат да ви ја олеснат работата. Дознајте како да ја намалите желбата за цигари...

1. Кога ќе почувствувате силна желба за пушење, забележете колку тој силен нагон трае. Никотинските кризи доаѓаат во „бранови“, а траат околу три минути. Ќе ви биде многу полесно кога знаете дека и тој бран ќе помине.

2. Смукајте тврди благи работи. Шеќерот помага при уништување на желбата за цигара, но немојте да претерувате туку комбинирајте и бонбони без шеќер. И чаша ладна вода може да ја намали желбата за цигара.

3. Шетањето и вежбањето се совршени за борба против пушењето. Телото на тој начин побрзо ќе ја преброди никотинската криза која е нормална по престанување со пушењето.

4. Ако почувствувате силна желба за цигари, подгответе си пријатна бања со етерични масла како лаванда или јасмин или едноставно дозволете си еден топол туш. Тоа ќе ве смири и ќе ве опушти.

5. Никотинските гуми за џвакање исто така можат да ви помогнат да ја пребродите никотинската криза, посебно во првите неколку денови.

6. Во моментот кога ќе почувствувате криза, измијте ги забите. Ментолот моментално ќе ја намали вашата желба за цигара.

7. Заменете го кафето со чај затоа што теинот има сличен ефект како и кофеинот. Исто така, на тој начин барем во првиот дел од одвикнувањето ќе се ослободите од навиката за пиење кафе со кое со задоволство сте пушеле цигари.

8. Џвакајте гуми за џвакање со вкус на ментол или стапчиња од цимет. Тие исто така помагаат во ослободување од желбата за пушење и не заборавајте дека кризата трае само 3 минути.

9. Спремете го телото за престанување со пушењето, пијте мултивитамини и јадете многу овошје. Исто така пола децилитар јаболков оцет помешан со 2 децилитри вода е напивка која може да ја намали желбата за пушење.