Пролетниот умор кој се вовлече во првите овогодишни топли денови, помеѓу другото се јавува и поради несоодветната исхрана. Недоволното внесување на овошје и зеленчук, односно витамини и минерали не успева да го разбуди имунитетот, ослабен од долгите зимски месеци...

Ова се 5те хранливи состојки од кои барем една од нив сигурно е во дефицит кај секој од нас. Затоа, навалете на свежо овошје и зеленчук, а доколку прегледот кај лекарот покаже посериозен недостаток на некои од елементите, прехраната збогатете ја со потребните суплементи.

Калциум
Препорачена дневна количина: 1.000 mg (1.200 за лица постари од 50 години).
Потребен за: поцврсти коски и заби.
Го наоѓаме во: млеко, јогурт, зелен зеленчук, лосос и сардина.

Витамин С
Препорачена дневна количина: 75 mg.
Потребен за: јакнење на имунолошкиот состав, делува противпаѓачки и антиоксидативно.
Го наоѓаме во: брокула, јагоди, киви, целер, спанаќ, цитрусното овошје, црвена пиперка.

Диетални влакна
Препорачена дневна количина: 25 mg.
Потребни за: здраво варење и метаболизам, воспоставување на рамнотежата на шеќерот и холестерол во крвта. Исто така се пресудни за одржување на тежината.
Ги наоѓаме во: житарици, ореово овошје, семки, сончоглед, тиква, поголемиот дел од овошјето и зеленчукот.

Калиум
Препорачена дневна количина: 4.700 mg.
Потребен за: ментално здравје, срцето, бубрезите и нервниот систем.
Го наоѓаме во: банана, портокал, лиснато овошје, авокадо, грав и јогурт.

Магнезиум
Препорачена дневна количина: 310-320 mg.
Потребен за: нервниот систем, здрави коски и мускули. Исто така поволно влијае на подобрувањето на расположението.
Го наоѓаме во: ореово овошје, семки, зелен зеленчук (брокула, спанаќ), компир.