Луѓето кои спијат длабоко најмалку 6 часа во текот на ноќта, двапати е поверојатно да ослабат цели 6 килограми за период од 6 месеци, при редовно почитување на соодветната исхрана...

За разлика од нив, ненаспаните немаат таква шанса за добра фигура. Причината за овие претпоставки се истражувачките соопштенија, според кои токму исполнетиот сон (6 до 8 часа на ден) е главниот виновник за хормоните во телото да ја задржат рамнотежата меѓу чувството за глад и ситост.

Се разбира, за да има видлив ефект, здравото спиење треба да биде комбинација со соодветни и редовни вежби. Еве зошто се покажало дека освен пресметките за калории и слободното време за спорт, луѓето кои  планираат да ослабат треба да додадат нов график, во кој треба да одделат посебно место за спиење.

Научниците истакнуваат дека кршењето како на долната (6 часа) граница, така и на горната (8 часа) има негативен ефект врз резултатите од слабеењето, пишува британскиот весник Дејли Мејл.

Важно е исто така и како се спие. Изложувањето на слаба светлина во ноќта - како на пример сјајот од телевизискиот екран, може да предизвика промени во мозокот кои водат до остри промени во расположението, вклучувајќи депресија.

Ноќните лампи се постојан уред, присутни во сите спални простории. Но денес се одржуваат повеќе студии во кои се обидуваат да дадат одговор на прашањето дали нивната светлина е штетна за ноќниот сон. 6 часа дневно за витка фигура.

Значи заклучок е да спиете на темно и тивко најмалку 6 часа. Ова ќе помогне лесно да ги постигнете посакуваните килограми.