Многу од нас некогаш се нашле во ситуации на немир, безволност, тага или депресија. Тие состојби се се почести во денешно време, кога ситуациите со кои се сретнува човек се се потешки и потешки...
Речиси никој денеска не е во можност со часови да се одмара во природа за стресот собран во текот на денот природно да се ослободи, ниту е во можност да избегне стресни ситуации затоа што денеска се е дел од животот. Поради тоа е потребно да се најдат нови начини организмот да се доведе во хармонија.
Како можат да не „отрујат“ тешките случувања
Секоја негативна ситуација која ја доживуваме во нашиот организам покренува серија хемиски реакции кои оставаат материјален траг во облик на токсик во клетките на нашето тело. Ако стресот во нашиот живот стане хроничен, нашето тело буквално станува отруено, негативните емоции автоматски стануваат почести, се губи интерес за животот, стануваме апатични, тажни и незадоволни. Сите акции кои произлегуваат од немирен ум, нефокусиран и полн со иритација ќе имаат негативни резултати.
Механизмот на стрес
Во моментот кога ќе доживееме стресна ситуација телото започнува со хемиска реакција која води кон создавање на хормонот на стрес. Во нормална ситуација настојуваме да се одмориме, да прошетаме, да одиме во кино... и телото и умот се одмараат. Меѓутоа денеска, кога се сретнуваме со се постресни ситуации, рокови и притисоци речиси секојдневно, нашиот организам едноставно не е во состојба да се врати во рамнотежа и да се ослободи од тие хемиски реакции кои се складираат длабоко во клетните на нашето тело.
Како е можно да се исцелиме преку дишење?
Белите дробови заедно со хранопроводниот тракт и кожата се еден од главните патови на елеминација на нечистотиите од организмот. Низ белите дробови не го исфрламе само јаглеродниот диоксид, туку се идентифицирани уште 250 други видови на отпадни супстанци кои можат да се извадат од телото по пат на дишење. Меѓутоа, чест е случајот кај голем број на луѓе да дишат плитко, не користејќи го целиот капацитет на белите дробови поради што елиминацијата преку дишење може да биде отежната.
Значи, преку техниката на дишење можете да ги елиминирате трагите на стрес од организмот.
