Првата трансплантација на рака беше извршена во Австралија...

65-годишниот Питер Волш, кој ги изгубил рацете и нозете од бактериска инфекција пред 4 години, стана првиот пациент во Австралија кој добил трансплантирана рака. Тој бил подложен на 9 часовна операција во болницата Сент Винсент во Мелбурн оваа недела.

"Денес Питер ги движеше прстите", соопшти професор Вејн Морисон, раководел на 20-члениот медицински тим. "Тоа покажува дека се е поврзано. Се оди според планираното".

"Не знам кој ми ја дал, но сум многу благодарен за тоа што го направиле", рекол Волш, кој има 16 внуци.

Лекарите очекуваат да видат дали неговото тело ќе ја отфрли трансплантираната рака.

Првата успешна операција за трансплантација на рака беше извршена во 1998 во Франција. Оттогаш во светот се извршени над 60 вакви операции.