Рецептот за здрава и вкусна исхрана лежи во боите кои се наоѓаат на чинијата. Но, боите на овошјето и зеленчукот не се само убави за очите, туку ги симболизираат и состојките кои ги збогатуваат и се делотворни за точно одреден дел од организмот...

Јагодите, вишните и доматите имаат заеднички хранливи вредности, а ги краси и еднаква боја. Тајната е во тоа што секое овошје или зеленчук изобилува со одредена група на фитохемикалии (супстанции во билките кои позитивно влијаат врз здравјето) кои имаат и заедничка боја.

Кои бои би требале да бидат на вашата чинија за да се чувствувате и да изгледате добро?

ЦРВЕНА И ПОРТОКАЛОВА

Благодарение на состојката ликопен-каротен и влијанието на многу антиоксиданси, црвеното овошје и зеленчук позитивно влијаат на работата на срцето, спречуваат појавување на некои видови на карцином, го чуваат видот и ја зголемуваат меморијата.

Бетакаротенот, кој е заслужен за портокаловата боја на овошјето и зеленчукот е одличен сојузник на здравата и убава кожа.

ЗЕЛЕНА
Многу зелени плодови се добар извор на каротеноид, лутеин и зеаксантин, кои одлично ги впиваат силните светлосни зраци кои можат да го оштетат вашиот вид, па така влијаат на спречувањето на болестите на очите, па често се нарекуваат и „витамини за очи“. Со обѕир дека го поттикнуваат и чистењето на токсинот од телото, зелениот лиснат зеленчук е добар штит против различни лоши болести.

ЖОЛТА
Бетакриптоксантинот, кој помеѓу другото најмногу го има во цитроните, поволно делува на дишниот состав и превентивно влијае на болестите на плучата и го намалува воспалението на зглобовите (артритисот).