По секоја диета за слабеење најмалку 12 месеци по завршувањето со диетата не треба да пиете алкохол, советуваат диетолозите...

Ненадејното губење на килограми секогаш води до негатвини последици. По неколку истражувања, научниците утврдиле дека алкохолните пијалаци го поттикнуваат враќањето на старите килограми.

Во експериментот учествувале 340 мажи и жени кои биле подложени на строга диета за слабеење. 70% од претставниците на двата пола, кои пиеле алкохол три пати неделно, повторно ги вратиле старите килограми. Оние кои не пиеле или пиеле по една чашка алкохол месечно успеале да ја сочуваат тежината во нормалните граници.

Диетолозите велат дека алкохолот ги нарушува метаболичките процеси, што доведува до чувство на постојан глад. Според нив, треба да се воздржуваме од алкохол најмалку една година по диетата за симнување на килограми.