Ако планирате вечерта да ја поминете во друштво со пријатели до раните утрински часови сигурно забавата ќе ја засилите со алкохолни пијалоци. Но, најголемиот проблем лежи во денот потоа. Ако сакате да го преживете мамурлукот треба да знаете неколку правила кои и тоа како можат да ви го олеснат следното утро. Дознајте неколку трикови против мамурлукот...

Мамурлукот е реакција на испиена поголема количина алкохол.

Промените кои алкохолот ги има направено на вашите клетки во мозокот како и на крвните садови е една од причините за оние неубави последици на доброто излегување. Ако сакате да ја намалите главоболката, вртоглавицата и маката која ќе ве дочека следното утро, обидете се да бидете паметни, а сепак пак добро да се забавувате.

1. Пијте полека
Колку пополека го пиете својот алкохолен пијалок, толку побавно ќе ве „удри“ во главата. Дозволете му на вашиот организам да го согори внесениот алкохол за да можете подолго да издржите таа вечер.

2. Пијте на полн желудник
Кога станува збор за пиење алкохол, овој совет е веројатно еден од најдобрите совети. Храната го успорува апсорбирањето на алкохол во телото, што значи дека алкохолот нема толку брзо да ве „удри“ во главата. Не е важно што сте јаделе, важно е сити да тргнете на ноќно излегување. Предлог е помрсна храна, затоа што маснотиите исто така го успоруваат разградувањето на алкохолот.

3. Избегнувајте меурчина
Избегнувајте меурчиња и слатки газирани пијалоци, вклучувајќи и сокви, помешани со алкохол. Тие многу побрзо одат во крвотокот што значи дека многу побрзо ќе го почувствувате влијанието на алкохолот. Подобро изберете нешто без меурчиња, а организмот следното утро ќе ви биде и тоа како благодарен. Истото важи и за слатките пијалоци како коктели или ликери.

4. Бирајте што пиете
Различните алкохолни пијалоци имаат различно влијание на вашето тело. Ако веќе планирате, подобро пијте проѕирни, односно необоени пијалоци какви што се водката, џинот и белиот рум. Тие сигурно ќе го ублажат мамурлукот кој ве очекува денот потоа. И пивото е добар избор против мамурлук. Не мешајте повеќе видови пијалок затоа што последиците нема да ви се допаднат.

5. Пијте многу течности
Дехидрацијата е исто така многу честа појава кај веселите ноќни дружења во комбинација со алкохол. Помеѓу секој пијалок испијте барем децилитар вода. Главоболката како дел од мамурлукот најчесто е предизвикана токму од дехидрација на организмот.