Необичните звуци кои доаѓаат од нашето тело како кркорење во желудникот можат да не доведат до непријатна ситуација. Но, зошто тоа се случува и дали тоа е нормална појава?

Непријатните звуци кои доаѓаат од желудникот можат да се случат во непријатен момент, но мора да знаете дека станува збор за нормална појава која не можеме да ја контролираме, но можеме да ја ублажиме. Ако мислите дека желудникот крори кога е празен односно кога сте гладни, не сте во право.

Не станува збор за желудникот, туку за цревата односно процесот на варење кој извршува својата должност потиснувајќи ја храната подлабоко, па со самото тоа произведува и непријатни звуци како кркорењето.

Вишокот воздух собран во цревата најчесто го исфрлуваме со ждригање или со гасови, кои во дадена ситуација можат да бидат исто така непријатни како за вас, така и за оние кои се наоѓаат во ваша близина.

Човекот со голтањето, освен храна и пијалок, проголтува и одредена количина воздух. Со џвакање на гума за џвакање, смукање бонбони или лижавче или пак пиење на сок низ цевка во желудникот внесувате додатна количина на воздух кој завршува во нашиот систем за варење.

Истото вреди и за храната боката со влакна, како интегрален леб, зеленчук каков што е гравот, карфиолот и бркулата и газирани пијалоци како и пијалоци засладени со вештачки засладувачи.

Таквата храна брзо се разложува во нашите црева што притоа ослободува одредена количина гасови поради кои се чувствуваме надуено и испуштаме чудни звуци.

Затоа следниот пат кога вашиот желудник ќе се огласи не тргнувајте веднаш кон фрижидерот, туку почекајте да помина, а кога навистина ќе огладнете, тогаш уживајте во конкретниот оброк.