Луѓето кои немаат доволно сон, земаат многу оптимистички решенија и може да се склони кон преземањето на ризици, објавија истражувачи од САД...

Истражувањето објавено со списание Neuroscience дава научни докази за нешто што менаџерите на казина знаат одамна - трепнуваат светлина и автоматите ги охрабруваат играчите да продолжат да се коцкаат додека завршат парите.

Научниците користеле магнетна резонанца, за да ги истражуваат мозоците на луѓето кои поминале една ноќ со препреки и краток сон во споредба со подобро одморените колеги. Истражувањето покажало зголемената мозочна активност во деловите на мозокот кои ги оценуваат позитивните мисли, и намалена при оние кои ги разгледуваат возможните негативни мисли.

"Користевме задача за донесување на ризични одлуки, и покажавме дека лишувањето од спиење го менува ставот на повеќето луѓе од избегнувањето на загубите кон прогонот на профитот", велат истражувачите од Универзитетот Дјук во Северна Каролина.

Во експериментот учествувале 29 здрави возрасни луѓе со просечна возраст од 22 години, кои требало да решат серија економски задачи по нормална ноќ сон и по ноќта, во која биле лишени од сон.

Кофеинот, свежиот воздух и физичките вежби не се доволни за да се борите со ефектите од заморот, нагласува водечкиот автор Винод Венкатраман, студент по психологија и неврологија.