Првото истражување кое докажа дека мобилните телефони влијаат на работата на мозочните клетки не докажа негативно влијание, но забележана е засилена активност во делот на мозокот кој бил поблиску до антената на мобилниот уред...
Истражувањето докажа дека мозочните клетки кои биле во непосредна близина на мобилниот телефон трошат многу повеќе енергија од оние кои биле оддалечени.
Иако и понатаму нема докази дека таа активност е опасна по здравјето и дека може да предизвика тумор на мозокот како што често се мисли, врската меѓу радиоактивноста на мобилниот и работата на мозокот сепак постои. Но, засега уште нема оправдана причина за грижа, посебно затоа што штетното влијание на радијација може да се спречи ако е на сигурна оддалеченост.
Тоа може да се стори на повеќе начини, затоа што сепак е подобро да се спречи отколку да се лечи.
1. Користете сет за слободни раце - слушалки и микрофон
Со слушалки и микрофон нема да имате потреба да го држите мобилниот на уво и така ќе ја спречите непосредната и долготрајна изложеност на мозочните клетки на радиоактивно зрачење.
2. Порака наместо разговор
Со обѕир дека поголемиот број на комуникации во денешно време се одвиваат по пат на писмени пораки, ако се уште не сте го почнале, време е да го започнете тој тренд. Пишување пораки преку мобилен е помалку штетно од разговарање преку него, со обѕир дека мобилниот телефон тогаш е прилично оддалечен од мозочните клетки и не влијае на нив со својата радиоактивност.
3. Не користете го мобилниот како будилник
Ако вашиот мобилен ви служи и како утрински аларм, време е да набавите вистински будилник. Со обѕир дека цела ноќ е блиску до главата (на ноќното орманче или под перницата) и емитира магнетни бранови, не треба повеќе да се зборува за опасноста која претставува за мозочните клетки.
4. Не држете го мобилниот во џеб
Ако работата на мобилниот влијае на работата на мозочните клетки, многу е веројатно да влијае и на сите други клетки во организмот. Затоа е препорачливо да ја избегнувате секоја непосредна близина на мобилниот кога не го употребувате. Држањето во џебот од панталоните или маичката малку подолго време, засигурно не е безопасно, со обѕир дека тогаш уредот речиси директно е потпрен на кожата од телото.
5. Користете футрола за мобилен
Тоа не е само маркетиншки трик, докажано е дека торбичката за мобилен ја намалува радијацијата за дури две третини. А се што може да придонесе за заштита од зрачење, никогаш не е непотребно.
