Лаптопот и мажот често се неразделни пријатели. Но ова пријателство може да го чини скапо...

Италијански научници направија сензационално предупредување - според нив лаптопот во скутот на мажот може да доведе до стерилност и неплодност.

Користењето на лаптоп во скут за повеќе од еден час може да ја намали фертилноста на мажот, така велат истражувачите од универзитетот во Падова. Тие се решиле да го истражуваат проблемот и да ја анализираат состојбата на претставниците на посилниот пол со лаптоп и без него.

"Ова е нестандардна појава - секој ден гледаме млади луѓе кои ги држат лаптопите во скутот, особено во градскиот тренспорт. Утврдивме дека оваа навика може да ја зголеми температурата на тестисите со два степени за еден час", објавуваат научниците во своето соопштение.

Андрологот Карло Фореста од Универзитетот во Падова тврди дека зголемувањето на температурата во пределот на препоните дури и со еден степен Целзиусови е доволно за да го наруши производството на сперма кај мажот.

Исто толку штетно за машката плодност се смета  и носењето на премногу тесни панталони, честото одење на сауна или дебелината.