Блескавата холивудска насмевка можеби звучи недостижно, но со бројни методи кои денеска се нудат на пазарот таа сепак може да се постигне. Сепак, треба да се води сметка и за последиците од начинот на примена. Дознајте кои методи навистина делуваат, а кои се само мит...

Избелувањето на забите во последните неколку години стана многу популарно. Но, освен домашните обиди кои не се толку ефикасни, постојат и оние за кои треба да се издвојат повеќе од 5.000 денари. Но, како да знаете што е ефикасно, а што не е?

Ласерско избелување
Избелувањето на забите со ласер не е толку агресивно за забната глеѓ затоа што после првиот третман кој трае многу кратко резултатите се повеќе од видливи.

Избелување со ламба
Оваа постапка трае од 40 до 60 минути. Сината светлина го активира гелот и притоа ослободува голема количина на топлина која за пациентот може да биде помалку непријатна.

Избелување во текот на ноќта
Избелување на забите дома со помош на гел и навлака која се носи преку ноќ може да биде опасно за вашите заби затоа што третманот не е под стоматолошки надзор. Токму поради тоа можат да се јават негативни последици како што се преголема чувствителност на забите и жлебината.

Природно избелување
Станува збор за домашен третман со паста од сода бикарбона, лимонов сок или јагода. Иако звучи многу едноставно и природно, влијанието е минимално и речиси незабележливо.

Забна паста за избелување
Пастата од овој вид е едноставна за употреба, а смее да се користи секои 3 до 6 мееци. Резултатите се минимално видливи, а препораката е користење на овој метод за избелување за да се одржува белината на забите по професионалниот третман.

Методот на детонација
Постапката трае околу половина час. Станув збор за површинско отстранување на дамките, каменот и меките забни наслаги. Овој метод се користи пред професионалниот третман на избелување.