Доколку сакате здраво да појадувате - јадете јајца...

Откако со години бевме натрупувани со информации дека треба да избегнуваме да ги јадеме секој ден , британската здравствена полиција сега тврди поинаку.

Холестеролот во јајцата, кој пред тоа се сметал за опасен по здравјето, сега е многу понизок отколку во изминатите 10 години, според истражувањето, пишува Дејли Мејл.

Исто така, јајцата содржат повеќе витамин Д, што е добар за коските и за спречување на болестите како остеопороза и рахитис.

Јајцата станале поздрави бидејќи кокошките повеќе не се хранат со коскено брашно, кое било забрането во 90-те години, тврдат научниците. Наместо таква храна живината добива мешавина од пченица, пченка и високо-протеинска храна, која ги прави јајцата од кокошката поздрави.