Потрагата по козметички производи кои ги бришат брчките и го запираат стареењето не престанува, а жените од месец во месец домашните буџети ги трошат на нови и револуционарни креми. Присетете се дека убавината доаѓа одвнатре и посегнете по намирниците кои содржат колаген...
Колагенот е протеин кој игра клучна улога во изгледот на нашата кожа и е одговорен за затегнат и младолик изглед. Со текот на годините, неговото ниво опаѓа, а брчките се појавуваат како последица на тоа. После 25 години живот почнуваат да се забележуваат првите знакови на стареење, а наместо да посегнете по скапоцени препарати, нахранете ја кожата одвнатре. Постојат намирници кои се богати со колаген, па вклучете ги во дневното мени.
Лосос, скуши и сардини
Овие намирници се богати со омега-3 масни киселини што ги прави одлично средство за борба против стареење на кожата. Конзумирањето на риба може да помогне како первенција во младите денови додека брчките се уште не се видливи. Вметнете ги тие намирници на менито и ќе си обезбедите доволна колична колаген за кожата.
Месо од мисирка
Мисиркиното месо е одличен извор на протенини затоа што 25 до 30% од сите протеини во телото содржат колаген. Тоа месо содржи уште една одлична состојка за борба против стареење на кожата, а тоа е протеинот карносин кој го забавува процесот на стареење.
Соја и тофу
Ако ги вметнете сојата и тофуто во прехраната можете да надоместите 6% од колагенот за шест месеци. Звучи одлично, зар не? Сојата содржи фитоестроген кој има влијание како и хормонот естроген и го поттикнува произведувањето на колаген, а со тоа помага при одржувањето на младоликиот изглед.
Јагоди и боровинки
Витаминот С е една од главните состојки кои ни помагаат да го задржиме колагенот во организмот, а одличен извор се и бобестите овошја, посебно јагодите и боровинките.
Спанаќ
Зеленчукот кој може да се пофали со темнозелени листови, а овде спаѓаат спанаќот и зелката, богати се со антиоксидансот лутеин кој ги неутрализира слободните радикали. Намирниците богати со антиоксиданси се потребни за да го здржите нивото на колаген во телото, па и младоликиот изглед.
