Помалку од шест часа сон наголемо го зголемува ризикот од срцев или мозочен удар, покажуваат истражувањата...

Научниците тврдат дека касното легнување и раното станување имаат сериозно последици на здравјето. Но ни предолгото спирње не е здраво. Повеќе од девет часа спиење е знак за аларм. Всушност, поради срцеви болести луѓето се чувствуваат уморно, а можат да имат и срцев удар.

Оние кои спијат помалку од 6 часа имаат дури дупло поголеми шанси за срцев удар и 15% поголеми шанси за мозочен удар. Лицата кои малку спијат, имаат поголем апетит, поради што често имаат прекумерна тежина и висок крвен притисок и срцеви болести, а тоа води до срцев или мозочен удар, пишува Дејли Мејл.

Експертите препорачуваат 6 до 7 часа сон. Истражувањето било спроведено на Универзитетот Ворвик. Проучувале ги навиките на спиење на 475 илјади луѓе од осум земји.