Жените чии мајки страдале од срцеви удари се изложени на многу поголем ризик од истото, покажуваат новите истражувања...

Истражувањата покажуваат дека жените се изложени на поголем ризик од наследни форми на срцеви болести, додека кај мажите тоа може да биде предизвикано од животни стилови какви што се диетата, пиењето и пушењето.

Научниците од Оксфорд универзитетот сугерираат дека при истражувањата на жените треба да ги прашуваат специфични прашања за историјата на срцеви болести во нивното семејство кога се обидуваат да утврдат дали се под ризик од срцев удар - вклучувајќи кои роднини имале срцеви удари и колку години биле кога ги добиле.

Тие предупредуваат дека тоа може да биде поважен предикатор за идни проблеми со срцето отколку дебелината, крвниот притисок, обилното пиење и пушење.

Истражувачите ги разгледале случаите на повеќе од 2.200 женски пациенти кои страдале од срцев удар или ангина.

Тие откриле дека многу поголем број од мајките на жените страдале од удар за разлика од нивните татковци.

Студијата, објавена во весникот American Heart Association, исто така открила дека жените со срцеви проблеми имаат поголема шанса да имаат сестра која страдала од истиот проблем, отколку брат. Во поранешни студии на истата група жени, истражувачите открија дека жените се соочуваат со поголем ризик на срцев удар пред 65 години, ако нивните мајки имале срцев удар на помлада возраст.