Некои темнокожи американци имаат ген кој ги штити од срцева болест, истакнале истражувачите...

Околу една четвртина од афроамериканците се носители на заштитниот ген и ако се доволно среќни да имаат две копии, по еден од секој од родителите, ризикот од срцеви заболувања кај нив е 10 пати помал отколку кај останатите темнокожи луѓе.

Луѓето со само еден број од генот се 5 пати помалку подложни на ризикот од срцеви удари, блокирани артерии и други симптоми на срцеви заболувања, пишува тимот од истражувачи во Journal of Human Genetics.

Истиот ген бил изучуван кај луѓето во Јапонија, Јужна Кореја, Европа, но не кај темнокожите луѓе. Всушност, слични генетски истражувања досега не се направени кај нив, додаваат истражувачите.

Генот е познат како CDKN2B и некои негови мутации го зголемуваат ризикот од болести на срцето. На пример Швеѓаните со една верзија на генот е поверојатно да добијат инфаркт под услов да имаат висок крвен притисок. Тимот истражувал 548 здрави афро-американци браќа или сестри на луѓето со документирани срцеви заболувања.

Проследувањето опфатило период од 17 години. Околу 25% од доброволците во истражувањето имале заштитна верзија на генот, а 6% имале две копии од него.