Британските научници измислија направа и благодарение на неа многу пациенти кои страдаат од неподносливите звуци на стоматолоошките машинки, повеќе никогаш нема да доживеат непријатност за време на посетата на стоматолог...

Уникатниот уред кој е создаден од експерти од лондонските универзитети, им овозможува на пациентите да слушаат музика, наместо нервозниот звук од машинката. Пациентите ќе го вклучуваат уредот на својот мобилен телефон или плеер и ќе можат да уживаат во својата омилена музика.

Уникатноста на новиот систем се состои во тоа што пациентите ќе можат да слушаат што им зборува стоматологот.

Лондонските научници се надеваат дека ќе најдат инвеститори кои ќе го финансираат развојот на овој уред.

Авторот на пронајдокот, професор Брајан Милар потсети дека многу луѓе ја одложуваат посетата на стоматолог токму поради неподносливоста кон машинките. Новата технологија не е скапа и ќе го остави нивниот страв во минатото, додаде тој.