Неколку почетни димови од цигара, за рок од 15 минути до половина час можат да предизвикат генетски оштетувања поврзани со карцином, покажа новото американско истражување...

Американските научници велат дека ефектот е толку брз што тоа е еднакво на вбризгување супстанции директно во крвотокот. Ова е првата студија спроведена на луѓето за да се утврди како супстанците во тутунот предизвикуваат оштетување на ДНК, а објавена е во магазинот Chemical Research in Toxicology.

Во студијата учествувале 12 пушачи, а научниците го истражувале дејството на полицикличните ароматични јаглеводороди (PAHs) кои се произведуваат со согорување на тутунот, дрво или јаглен,  може да се најдат на места каде што се пече скара.

Посебно било следено хемиското соединение фенантрен во крвта на пушачите и било забележано дека создава отровна супстанца која е позната и се знае дека "предизвикува мутација на ДНК која може да предизвика рак".

"Овие резултати би требало да послужат како јасно предупредување до оние кои имаат намера да почна да пушат", вели истражувачот Стивен Хеч.

Од рак на белите дробови секој ден умираат околу 3000 луѓе ширум светот, а 90% од нив умираат од пушење цигари.