Освен долготрајната и посветена работа и прифаќањето на фактот дека шефот секогаш е во право, ќе можете да напредувате и со правилна исхрана...
Всушност, храната која во организмот ја внесуваме за времето поминато на работа влијае на нашата ефикасност и концентрација. Со контрола на внесувањето храна можеме подобро да ја контролираме нашата кариера.
Како да се одржи енергијата цел ден?
Туна, суши или било кој друг оброк кој вклучува риба ќе ви помогне во одржување на долготрајната енергија. Омега 3 киселината која се наоѓа во рибата ја подобруваат концентрацијата и памтењето.
Ѓумбирот ја подобрува концентрацијата и така кислородот и хранливите материи побрзо и полесно стигнуваат до мозокот. На многумина омилената туна обилува со аминокиселини кои мозокот ги користи за пренос на сигнали на нервните клетки. И никако не заборавајте да пиете доволно вода со која ќе го спречите јавувањето на уморот, главоболка и лоша концентрација.
Како да ја зголемите креативноста на работа?
Салата од авокадо со сирење и една рака ореви. Авокадото обилува со витамини Е и Б6 кои се од суштинско значење за брза реакција на нервниот систем одговорен за пренос на информации. Сирењето е богато со протеини кои ќе ве задржат подготвени, како и оревите кои се вистинска храна за мозокот.
Како да не подлегнете на притисок?
Компир и грав. Тоа можеби звучи чудно и необично, но оброкот кој во себе ги содржи овие две состојки ќе биде богат со јаглени хидрати кои ја зголемуваат енергија и го поттикнуваат организмот за лачење на серотин во телото кој носи чувство на задоволство. Така истовремено ќе бидете продуктивни и со "ладна глава". Освен тоа, благодарение на гравот чувството на ситост ќе трае многу подолго.
Која храна е идеална за оброк во брзање?
Фрапе од банана и семки од тиква. Доколку не сте во можност да купите или претходно да направите фрапе од банана, млеко и мед, една банана ќе биде исто така многу делотворна. Шеќерот од овошјето моментално ќе го зголеми нивото на шеќер во крвта. Со делување на протеините, цинкот и железото од семките ќе чувствувате ситост и по првичниот шеќер од бананата.
