Милиони луѓе го започнуваат денот со шоља топло кафе, но шпанските научници открија дека кафето има многу посилен ефект врз мозокот, кога се пие со шеќер...

Научниците од Универзитетот во Барселона, Шпанија, утврдиле дека консумирањето на кофеин и шеќер истовремено ја зајакнува меморијата повеќе, отколку кога тие се консумираат одделно. Истражувачите сметаат дека тие заедно го зголемуваат ефектот врз мозокот и го подобруваат вниманието и работата на мозокот.

Научниците дошле до овој заклучок, по истражувањето направено врз 40 доброволци. Некои од нив пиеле кафе со шеќер, други кафе без шеќер, а трети само вода.

Резултатите, објавени во весникот "Human Psychopharmacology: Clinical and Experimental", покажуваат дека засладеното со шеќер кафе е најдобар начин за да го подготвиме мозокот за претстојниот тежок ден.

Љубителите на кафето, кои го сакаат без шеќер, ке го обезбедат истиот позитивен ефект, ако го комбинираат кафето со производ што содржи шеќер.

Познато е дека кофеинот е стимуланс, кој влиае на мозокот и спречува поспаност и замор.

Претходни истражувања покажуваат дека три шољи кафе на ден можат значително да ја намалат опасноста од Алцхајмерова болест.

Исто така, познато е дека гликозата е основно 'гориво', што им треба на мозочните клетки за да функционираат правилно.