Калинката има исклучително висока содржина на антиоксиданти, полифенол којго намалува оштетувањето на клетките...

Сокот од ова овошје се препорачува на болните на дијализа, бидејќи го намалува ризикот од инфекции. Бубрежно болните пациенти на дијализа, кои три пати неделно пијат по половина чаша сок од калинка, се изложени на помал ризик од инфекции, кои се меѓу главните причинители за смртноста кај овие пациенти, изјавиле израелските експерти од болницата западна Галилеја во Нахри.

Истражувањето е направено на 110 пациенти од кои половина во текот на годината три пати неделно пиеле сок од калинка, додека тругата половина добивала некоја друга напивка, пренесува Ројтерс.

Кај оние кои пиеле сок од калинка е утврдена помала концентрација на инфламаторни молекули (воспалителни) во крвта и имале помала потреба за хоспитализација од пациентите во контролната група.

Дијализата инаку предизвикува зголемување на концентрацијата на штетните слободни радикали во крвта, па затоа пациентите на оваа терапија се ранливи на инфекции.