Правилната исхрана и редовното вежбање се два од седум чекори кои можеме да ги користиме за да го намалиме ризикот од срцев удар...

Најмалку 150 минути на умерен или 75 минути на интензивно вежбање, непушење цигари, здрава исхрана, нискиот холестерол, намалениот крвен притисок и шеќерот се условите со кои се намалува ризикот од срцев удар. Но, истражувањето на американските научници покажало дека речиси никој не ги задоволува сите критериуми, пренесува Лос Анџелес тајмс.

"Истражувањето беше спроведено на 17,820 луѓе и тоа е неверојатно дека само двајца луѓе ги исполнуваат сите критериуми. Затоа јасно е дека Американците не се многу здрави", рекол д-р Мери Чушмен, водител на истражувањето.

Дека овие критериуми се важни покажал и фактот дека смртноста кај оние кои задоволуваат барем пет од критериумите е за 55% пониска од оние кој не задоволуваат ниту еден. За секој критериум кој личноста го задоволува, смртноста се намалува за 15% во следните четири години. "Секој човек би требало да проба да работи на задоволувањето на овие критериуми за да бидат здрави", заклучила Мери.