Секој втор германец доживува повеќе од 80 години, секоја втора жена од Германија прославува 85 години, а во институтот Макс Планк веруваат дека стареењето може уште повеќе да се забави...

Сето тоа започнало во 80-тите години кога научниците успеале со воведување на генетски промени во животот на некои црви, да го продолжат животот толку што на крајот биле по 10 пати постари од останатите.

Овие експерименти покажуваат дека стареењето има генетска компонента и дека со неа може да се манипулира.

Истражувачите во овој институт очекуваат дека по експериментите на црви, муви и глувци ќе располагаат со информации за процесот на стареење кај луѓето.

Во природата се ретки животните кои толку остаруваат што кај нив се забележуваат симптомите на стареењето, но кај луѓето тоа е различно.

"Благодарение на медицинскиот напредок и се подобрата хигиена, човечкиот век е се подолг", вели научниот координатор во институтот Ралф Петри.