Попладневниот одмор нема само да ве освежи, туку и позитивно влијае на вашите ментални способности...

Резултатите од истражувањето на американските научници укажуваат дека сонот има регенеративни ефекти по подолжениот период на будна состојба, но го зголемува и неурокогнитивните способности во споредба со тоа какви биле пред одморот.

Професорот по психологија на универзитетот Беркли, Метју Вокер, кој е и главниот автор на истражувањето, рекол дека за време на истражувањето научниците испитале 39 млади луѓе, кои биле поделени во 2 групи, од кои едни одмарале а други не.

Напладне сите учесници биле подложени на ментални тестови на испитување наменети посебно за активирање на хипокампусот, облас од мозокот кој им помага на зачувување на информациите - меморијата.

И двете групи имале идентични резултати - во 14 часот припадниците кои биле задржани да се одморат, отишле да спијат 90 минути, додека останатите останале будни.

Подоцна истиот ден, во 18 часот, сите учесници од испитувањето повторно биле испитани со серија од ментални вежби во кои требало да меморираат информации.

Учесниците кои спиеле, многу подобро реагирале, па дури ги подобриле своите резултати, истакнале истражувачите.

Овие резултати се во склоп со најновата хипотеза според која, сонот е потребен за краткорочно да се испразни меморијата на мозокот и да направи место за нова информација, рекол Вокер, за време на претставувањето на резултатите од истражувањето.