Премногу строгото воспитување во детството може да доведе до непријатни последици во постарата возраст и да ја наруши емоционалната рамнотежа на адолесцентите...

Строгите родители можат да предизвикаат на своите деца загрижувачки растројства, фобии и напади на паника, предупредуваат психолози од универзитетот во Монтреал.

Експертите истражувале како анатомијата и физиологијата на мозокот зависат од воспитувањето на едно дете.

Во експериментот биле вклучени 120 млади на возраст меѓу 12 и 17 години. Научниците откриле дека строгите правила во семејството може да предизвикат страв и анксиозност кај децата.

Сличните родителски практики се исклучително штетни за детската психа и доведуваат до невролошки болести во подоцнежната фаза од животот.