Лековите за спиење и смирување ја зголемуваат опасноста од смрт за 36%, покажале резултатите од истражувањето објавено во канадски магазин за психијатрија...

Истражувањето кое го спровела професорката Женевиев Белевил од психолошкиот факултет на универзитетот Лавал во Квебек е врз основа на податоците на 14.000 канаѓани на возраст од 18 до 102 години, кои 12 години биле пријавени во канадскиот статистички завод, пренесуваат меѓународните агенции.

За време на овој период починале 15.7% од луѓето кои изјавиле дека претходниот месец пиеле најмалку еден од лековите за спиење и смирување.

Кај оние лица кои изјавиле дека не употребувале лекови, стапката на смртност изнесувала 10.5 проценти.

Откако ги исклучила другите индивидуални причини кои можат да влијаат на зголемување на ризикот од смрт, меѓу кои биле конзумирањето алкохол или тутун, Балвевил заклучила дека употребата на лекови за спиење или смирување ја големува стапката на смртност за 36%.