Чаша млеко го отстранува непријатниот лук од здивот, открија американските научници...

При тестирање со суров и зготвен лук, научниците откриле дека, млекото "значитлно ја намалува" концетрацијата на хемиските материи, кои му даваат посебен и долготраен мирис на лукот. Една од материите, алил метил сулфид (АМС), не се разградува со варењето на храната и се ослободува преку телото, однодно преку здивот и потта.

Дури и миењето на забите не може да ја отсрани непријатната миризба на здивот од лукот, открија претходни истражувања. Сега сепак, има лесно достапен антидот во ладилникот, млекото.

Научниците од Државниот Универзитет во Охајо, САД, открија дека пиењето на 200 мл. млеко на ден, може да го намали присуството на Алил Метил Сулфид (АМС) во здивот дури и со 50%. Високомасленото млеко дава подобри резултати, отколку нискомасленото. Истражувачите мислат дека, мрснотиите во млекото го потискаат лошиот мирис од лукот. 

И покрај тоа што има добри и докажани каректеристики, многу луѓе, а особено младите одбиваат да го внесат лукот во својот режим на исхрана, поради непријатната миризба.

"Лукот се употребува во медицината илјадници години. Покрај тоа тој е одличен извор на магнезиум, витамин Б6, витамин Ц и селен. Тој помага во намалувањето на крвниот притисок и холестерол во крвта, исто така го намалува и ризикот од рак. Сепак, конзумирањето на лук води до лош здив и телесна миризба кои можат да траат од неколку часа до неколку дена", објаснува авторката на истражувањето проф. Шерли Барингер.

За да се постигне подобар ефект, таа препорачува млекото да се пие за време на хранењето, а не потоа.

Сушените модри сливи, босилокот, модриот патлиџан и некои видови габи, исто така го потискаат мирисот на лук, но млекото е посилно средство.