Алкохолот може да ги влоши алергиските симптоми, па затоа на луѓето кои страдаат од алергии им се препорачува умерено уживање во пиво, вино и другите алкохолни пијалоци, предупредуваат германските лекари...

Алкохолот може да предизвика зголемување на пропустливоста на слузницата, зголемување на циркулацијата на крвта, а може да предизвика и црвенило на образите. Во исто време со зголемена пропустливост се олеснува пенетрацијата на алергени во крвотокот, а тоа предизвикува влошување на алергиските симптоми.

Покрај тоа, алкохолот содржи хистамин или органски соединенија, кои предизвикуваат алергиски реакции, објаснуваат докторите.

Алкохолните пијалоци, исто така, го зголемуваат нивото на хистамин во телото. Посебна претпазливост е потребна со црното вино, бидејќи тоа содржи повеќе хистамин од пивото, белото вино и шапањот.