Израелските научници најавиле користење на направа за тестирање на здивот на пациентот од кој ќе се направи дијагноза на најчестите видови на рак на белите дробови, дојката, цревата и простата...

Израелски истражувачи во средата објавија дека наскоро ќе можат да започнат со користење на уред кој популарно ќе биде наречен "електронски нос", а станува збор за едноставен начин за тестирање на здивот на пациентот од кој би можело да се заклучи дали има некој вид на рак.

Сензорот вграден во апаратот би можел да го разликува "здравиот" од "малигниот" здив и четирите различни видови на тумор. Иако тие сеуште треба да работат на развој на уредот, досега успешните резултати кои ги направиле израелските научници покажале дека наскоро би можело да се појави ефтин пренослив удер, едноставен за употреба, со кој би се овозможило рано дијагностицирање на туморот.

Абрахам Кутен од израелскиот институт за технологија смета дека, доколку се потврдат нивните добри резултати, ова би можело да стане едноставно средство за рано дијагностицирање на ракот.

Нивниот апарат успеал да открие супстанци кои се емитираат од површината на клетките на ракот во развој. На пример, сензор со вградени златни наночестици во состојба е преку здивот на пациентот, да го открие ракот на белите дробови. Резултатите од истражувањето се објавени во списанието British Journal of Cancer.